Йошкар-Олаште кече еда кумло наре технике лумым эрыкта
Теле тылзе пурымо дене Рӱдолаштына лум возо. Кызыт кече еда уремлаште кумло наре технике лумым эрыкта. Лумым эрыктыше техникым ямдылыме, ий кылмыме деч шавыме материалым шапашлыме, лумым кышкыме верын пашам ыштыме радамже нерген йодышым Йошкар-Оласе мэрийыште эртыше совещанийыште нӧлталме. Нине кумло технике гыч грейдер- влак пашам шуктат, ошмам шават, тротуар ден остановкылаш лишемме корно- влакым эрыктат. Корно, корно воктелсе тротуар, площадь да бульварла гыч лумым свалкыш шупшыктат. Виктарыше компаний- влак кудывечылаште лумым куат. Тургым тӱҥалмеке, 484 тонн шинчал йӧршан ошмам да 14 тонн утла кӱ шинчалым шавыме. Свалкыш 364 кумбометр лумым лукмо,- увертара мэрийын пресс-службыжо.
