Шернурышто шахмат да шашке дене турнир лийын

Шернурысо икымше номеран кыдалаш школышто шахмат да шашке дене турнир эртен. Тушко Шернур, Куженер да У Торъял районла гыч еҥ- влак миеныт. Шашке дене модмаште пӧръеҥ- влак коклаште Шернур район гыч Анатолий Волков ӱшанлын сеҥышыш лектын. Кокымшо верыште Иван Ефремов, кумшышто Сергей Медведев- коктынат У Торъял район гыч улыт. Шахмат дене модмаште кугыеҥ- влак коклаште Шернурысо мастар-влак сеҥышыш лектыныт. Кугыеҥ- влак деч йоча-шамычат почеш кодын огытыл. Шашке дене эн устан Пётр Чемеков ден Валерия Девяткина модыныт, шахмат дене Светлана Швалёва ден Екатерина Данилова ойыртемалтыныт. Сеҥыше- влаклан медаль ден грамотым, призым кучыктымо. Модмашке ушнышо чыла йоча- влаклан сувенирым пӧлеклыме.