Оласе тӱзатышаш кумдыклан эртарыме рейтинг йӱклымашым иктешлыме

Шушаш ийын Йошкар-Олаште тӱшка кумдык- влакым олмыктымо шотышто рейтинг йӱклымашлан  Мер комиссий иктешлымашым ыштен. Йӱклымаш 29-ше ноябрь гыч 2-шо декабрь марте эртен. Шке йӱкшым 28 тӱжемат 600 утла еҥ пуэн. Але олаште илыше 14 ийым темыше кажне шымше еҥ. Эн шуко йӱкым Юрий Свирин лӱмеш сквер да воктене улшо Суворов уремын ужашыже поген. Кокымшо верыште Машиностроитель уремын Суворов урем деч Бауман урем марте нечётный могыр ужашыжын йолын коштмо верже улеш. Кумшо верыш Рябинин уремын Ленин проспект деч Суворов урем марте йолын коштмо ужашыже лектын. Тиддеч посна тӱжем утла йӱкым Подольскысо курсант- влак, Красноармейский, Зарубин, Семёновкысо Молодёжный да Гагарин, Свердлов урем- влакын ужашышт погеныт.  Йӱклымашын тичмаш иктешлымашыжым эрла мер комиссийын заседанийыштыже ыштат.