Сенатор Константин Косачёв калыклан приёмым эртарен
Марий Эл деч сенатор Константин Косачёв Дмитрий Медведевын мер приёмныйыштыжо калыклан приёмым эртарен. Тудын деке вашлиймашке толшо- влакын йодышышт социал-экономик шӱлышан лийыныт. Нунын коклаште тӱҥжӧ- йоча канышым эртарыме, тиде пашашке профсоюзын ушнымыжо теме лийын. Тиде йодыш шуко кундемыште илыше- влакым тургыжландара. Молан манаш гын, йочан тазалыкшым пеҥгыдемдыме лагерьлашке путёвкын акше изи огыл. Тидыже транспорт да коммунал полышлан акын кугеммыж денат кылдалтын. Йодыш- влакым контрольыш налме.
