Республикыште ик кечын венгр кино- влакым ончаш лиеш
6-шо декабрьыште мемнан республикыште Венгр кино кече эрта. Вигак икмыняр площадкыште венгр фильм- влакым ончаш лиеш. Нуным руш субтитр дене пойдарыме. Тӱвыра мероприятий Йошкар-Олаште 14 шагатлан «Грабитель виски» фильм дене почылтеш. Тудо Йыван Кырла уремысе 25-ше пӧртеш верланыше «Синема» кинозалыште лиеш. Почмо церемонийышке Озаҥ олаште Венгрийысе генеральный консульствын консулжо Ласло Дароци толеш. Тиде кечынак эше кум фильмым ончаш лиеш. Тиде 16 шагатат 30 минутлан «Бродячие артисты», 18 шагатат 20 минутлан «Гастрономия любви», 20 шагатлан «Гедеон Рихтер» фильм- влакым «Синема» кинозалыштак да Козьмодемьянск ден Волжскышто ончаш лиеш. Волжск олаште ончыктымо шагатше вес жапыште лиеш.
