Йошкар-Олаште йоча сад- влакым чоҥат

Йошкар-Оласе эҥер вес велыште верланыше «Молодёжный» микрорайонышто 320 верлан у йоча садым чоҥат. Тудо типовой проект почеш ышталтеш. Тӱжвал пырдыжым кум тӱрлӧ тӱсан кермыч дене оптат: йошкар, шуналге да нарынче тӱсан. Садикым кум пачашаным ыштат, тушто 13 группа верлана, физкультура, мурсем зал, тунемме класс, логопед кабинет, кружок класс да пищеблок лийыт. Тӧнеж воктене тыгак модмо да спорт площадке- влак, леведышан вер- влак чоҥалтыт, саварым ыштат, кушкылым да пеледышым шындат. Садикым «Казанский посад» организаций чоҥа. У зданийым 2020-шо ий мучаш марте чоҥен шуктышаш улыт. Тыгаяк садым «Восточный» микрорайонышто чоҥымо, идалык мучаш марте «Интеграл» микрорайонышто чоҥен пытарышаш улыт. Ынде 9-ше «В» микрорайонышто эше ик йоча садым чоҥаш тӱҥалме.