Пенсий фондын Советский районысо клиент службыштыжат электрон черетым ыштыме

Республикысе пенсий фондын эше ик клиент службыштыжо электрон черетым ыштыме. Телын икымше кечынже Советский районысо клиент службышто тыгай полыш пашам ышташ тӱналын. Ынде тыглай черет шеҥгелан кодын. Электрон черет йӧнан улмыжым пеҥгыдемден ончыктен. Советский районысо калыкат тыгай полышым аклен шуктен. Тудын ыштыме икымше кечын 63 талоным пуымо. Эн шуко йодышыжо пенсийым кондымо йӧным вашталтыме нерген лийын. Кызытеш Марий Элыште электрон черетым кандаш муниципал образованийын клиент службыштыжо вераҥдыме. Тиде чот эше ешаралтшаш. Чыла сужбыжат 8 гыч 17 шагат марте кечываллан чарныде пашам ыштат.