Тений республикыште 135 меҥге утла кужыт корным норматив марте шуктымо
Идалык мучашыш шумеш эше тылзе наре жап уло, а «Лӱдыкшыдымӧ да сай качестван автомобиль корно- влак» калыкле проектым икымше ийыште шыҥдарыме кышкарыште корно пашам тичмаш мучашлыме. Тений 135 меҥге утла кужыт корным норматив марте шуктымо. Тушечын регионысо значениян шуко машина коштмо 26 участке. Тиде Йошкар-Ола-Уржум, Кокшайск-Красногроск, Куяр-Солнечный-Роҥго корно- влак. Калыкле проект- влакым кузе шуктымым Республикым вуйлатыше Александр Евстифеев шке контрольыштыжо куча. Ушештарена: Российын Президентше Владимир Путинын кӱштымашыже почеш, Йошкар-Ола –Санчурск корным пӱтынек- Киров область дене чек марте, норматив деке шуктымо. Кировысо кучем тыгай пашам шуктымылан Александр Евстифеев лӱмеш тауштымашым каласен. Йошкар-Олаште илыше калык тыгак уремласе корно- влакын саеммыштым ужын. Тений Первомай, Западный, Карл Маркс уремлан ужашыштым да Ленин проспектым олмыктымо. Советский посёлкышто кок уремым, Оршанкыште кумытым, Медведево посёлкышто Советский уремым нормативыш лишемдыме. Калыкле проектым шыҥдарашлан шуктымо мероприятий- влакым эртараш тений кок миллиардат 220 миллион теҥгем ойырымо.
