Марий Элын правительствыже шушаш ийлан законопроект паша шотышто планым пеҥгыдемден
Марий Элын правительствыже 2020-шо ийлан законопроект паша планым пеҥгыдемден. Икымше да кокымшо кварталыште Правительствылан ончаш пуаш палемдыме документ- влак коклаште «Республикысе ял илем- влаклан верысе значениян йодыш- влакым пеҥгыдемдыме нерген», Республикын тенийсе бюджетшым шуктымо нерген, «Республикын промышленный политикыже нерген» закон- влакын проектышт улыт. Кумшо кварталыште «Республикын 2020-шо да ончыкылык 21-ше-22-шо ийлан бюджетше нерген», «Обязательный медицина страхованийын территориальный фондшын бюджетше нерген», 2021-ше ийлан пенсионерлан илен лекташ ситыше окса кугытым палемдымаш нерген, «Чодыра паша шотышто Республикын полномочийжым шыҥдарымаш нерген» законопроект- влакым каҥашаш палемдыме. Нылымше кварталыште «Республикын 2020-шо ийлан да ончыкылык 21-ше-22-шо ий- влаклан бюджетше нерген, тиде законыш вашталтышым пуртымо нерген» да моло законопроект- влакым ончаш тӱҥалыт.