Кугу Сеҥымаш вашеш могай конкурс- влак лийыт?
Марий Элым вуйлатыше Александр Евстифеев Кугу Ачамланде сарыште сеҥымашлан 75 ий темме вашеш эртарышаш конкурс- влакын программыштым пеҥгыдемден. Тидын шотышто распоряжений республикысе кучем органын сайтыштыже савыкталтын. Кугу Сеҥымашлан 75 ий теммым пайремлыме кышкарыште «Шочмо мландын куатле вийже» фестивальым да туныктышо- влак коклаште эн сай методике разработкым ышташ конкурсым эртарат. Тиддеч посна муниципал район да ола округла коклаште калыкын Кугу Ачамланде сарыште патырле подвигшым шарнымашеш кодымо конкурс, Кугу сарлан пӧлеклалтше обелиск, чапкӱ- влакым эн сайын кучымо, олмыктымо, уэмдыме да арален кодымо шотышто «Павших героев будем достойны!» республике кӱкшытан конкурс да моло таҥасымаш- влакат лийшаш улыт.
