2025-ше ий марте тошто пӧртла гыч калыкым кусараш кум миллиард утла теҥге окса ойыралтеш

Марий Элыште аварийный пӧртла гыч калыкым кусарыме адресный программым пеҥгыдемдыме. 2025-ше ий марте тиде программылан кум миллиардат 500 миллион теҥге окса ойыралтеш. Мероприятийын икымше йыжыҥже Йошкар-Олаште, Звенигово, Советский да Медведево районлаште эрта. 2019-ше- 2020-шо ийлаште чылаже 700 утла еҥым кусараш палемдыме. Кокымшо йыжыҥже 2020-шо- 2021-ше ийлаште шыҥдаралтеш. Тиде жапыште у илыме верлашке Йошкар-Олаште, Волжскышто да Советский районлаште 600 еҥ куснышаш. Кумшо йыжыҥыште 2021-ше- 2022-шо ийлаште 640 еҥ куснаш ӱшаным кучен кертеш. Кызыт еҥ- влаклан пуаш илыме вер- влакым налыт. 25-ше ноябрь гыч Медведево районышто еҥ- влакым кусараш тӱналме, а 10-шо декабрь гыч илыме верым Звенигово районышто пуаш тӱҥалыт. У ийым у пачерыште 120 еҥ вашлийын кертеш,- увертара Марий Элым вуйлатышын организационно- аналитик виктемже.