«Российын ечыгорныжо» таҥасымашлан ямдылалтмаш кая
Лум тений ыш куандаре гынат, «Российын ечыгорныжо» таҥасымашлан ямдылалтмаш кая. Теве Волжск оласе ече базыште тудым 8-ше февральыште эртараш шонат. Сандене кажне кумылан еҥым тушко толаш да каныш кечым тазалыклан пайдалын эртараш темлат. Таҥасымашке кеч- могай ийготан еҥ миен кертеш. Вучыдымо лӱдыкшӧ ынже лий манын, медостмотрым эрташ да справкым налаш темлат. Ончылгоч регистрацийым эрташ гын, эшеат сайрак лиеш.