Тений Марково- Руш Руя корно уэмшаш

 Оршанке районысо Марково- Руш Руя корным 91 миллион утла теҥгелан олмыкташ палемдыме. Тудым тений октябрь мучаш марте ыштен шуктышаш улыт. Корно пашаеҥ- влак пушеҥгым руат, кушкыл деч эрыктат, тошто корно шартышым кораҥдат, связь линийлан аралтышым ыштат. Вара кӱртньӧ бетон плитам пыштен, тыгыде кӱм шарышаш улыт, рок полотном ыштат, корно тӱрымат тыгыде кӱ дене пеҥгыдемдат. Корно ошма, тыгыде кӱ да асфальтобетон гыч шогаш тӱналеш, - умылтара кугыжаныш закупко сайт.