Республикысе 150 тӱжем наре пенсионер январьыште шке пенсийже деке ешартышым налын
Республикысе 150 тӱжем наре пенсионер январьыште шке пенсийже деке ешартышым налын. Тений икымше январь гыч пашам ыштыдыме пенсионер- влакын страховой пенсийыштым 6,6 луаш процентлан индексироватлыме. Тыге 148 тӱжемат 512 еҥын, тыгак 10 тӱжем ялысе пенсионерын оксаже ешаралтын. Кокла шот дене ончалаш гын, индексаций деч вара пенсий 900 наре теҥгелан ешаралтын, а 60 тӱжем наре пенсионер тӱжем да утларак ешартыш теҥгем налын. Тыге страховой пенсийын кокла кугытшо республикыштына 13 тӱжемат 919 теҥгеш шуын.