Леве игече чыла вере иян вӱдыштӧ йӱштылаш йӧным ок ыште
Шушаш рушарнян православий йӱлам кучышо- влак Крешене пайремым палемдат. 19-ше январьыш куснымо йӱдым йӱштӧ вӱдыштӧ йӱштылаш кумылан- влак ятырын лийыт. Эҥер ден ерлаште да пӱялаште йӱштылаш чылаже 19 верым йӧнештарышаш улыт ыле. Но игече чот левештымылан кӧра, ий ӱмбалне шуко еҥ лийме годым лӱдыкшӧ лектеш. Сандене йӱштылмӧ вер шагалемеш. Мутлан, У Торъял районысо Элембай ялыште да Юрино районышто Юл эҥерыште да Козьмодемьянск ола воктене йуштылмӧ вер ок лий. Моло вере йӱштылмӧ вер воктене полиций, утарыше, медицина пашаеҥ да волонтёр шамыч лийыт. Йӱштылаш пурымо годым икмыняр правилым да йодмашым шуктыман.