Икымше ТЭЦ-ын калык дружиныже чолгалыкым ончыкта

Йошкар-Оласе 1-ше номеран ТЭЦ-ын калык дружиныжым сай пашажлан палемденыт. 2019-ше ийын лектышыже почеш предприятийын 10 дружинникше ола администрацийын тауштымашан серышыже да шарнымашан пӧлек дене палемдалтын. Икымше ТЭЦ-ын калык дружинникше- влак оласе уремлаште пайрем кече годым тӱшка порядкым эскерымашке лектыт. Нуным сайлымаш кечын участкылаштат ужаш лиеш. ТЭЦ-ыштат кугу мероприятий- влакым эртарыме годым нуно ончылно улыт. Дружинын радамыштыже чылаже 60 пашаеҥ тырша.