Туризмым вияҥдыме йодышым правительстве кӱкшытыштӧ каҥашыме
Марий Эл Правительстве пеленысе туризмым вияҥдыме шотышто ведомство- влак кокласе координационный советын икымше заседанийже лийын. Тудым правительстве председательын икымше алмаштышыже Михаил Васютин эртарен. Тушто республикысе туризмын кызытсе жапше да ончыкылыкшо, йоча туризмым шарен колтымо, Республикын 100 ияш лӱмгечыжлан сувенир сатун ик реестржым ыштыме, туризм аланыште инвестиций проект- влакым шыҥдарыше организаций- влаклан полышым пуымо нерген мутланыме. Докладым спорт-туризм, туныктыш, тӱвыра, промышленность министерствылан еҥышт ыштеныт. Заседаний почеш спорт-туризм министерствылан туризмым вияҥдыме шотышто мероприятий планым ямдылаш, туризм шотышто республикым вуйлатышын грантшым налаш йодмашым налаш тӱҥалме нерген увертараш; туныктыш министерствылан туныктымо программыш туризм программым шыҥдараш, темлыме йоча турист маршрут- влакын спискыштым ышташ кӱштымӧ. Сатум лукшо- влак дене пырля мероприятийлаште республикын 100 ияш лӱмгечыже да Сеҥымашлан 75 ий темме лӱмеш символикым кучалтмо йодышым виктараш, сувенир сатун реестржым ышташ темлыме.