Идалык тӱналтышыште шуко пачашан кок пӧртым ыштен шуктымо

Тений Марий Элыште  шуко пачашан уже кок пӧртым эксплуатацийыш пуртымо. Эн ончычак «Кремлёвский» илыме комплексым ыштен шуктымо. Тудо Революций площадьыште верланен. Тиде 11 пачашан каркасный пӧртым 2003-шо ийыштак чоҥаш тӱҥалме ыле, но 2007-ше ийыште паша чарнен шогалын. Лач 2018-ше ийыште гына уэш чоҥымо пашам тӱналме ыле. «Кремлёвский» илыме комплекс бизнес-классан илыме пӧртлан шотлалтеш. Тушто ик, кок да кум пӧлеман 69 пачер верланен, нуно посна ырыкталтыт, мансардан окна, йӱкдымӧ лифт, эрыкан планировка да виш терраса верланеныт. Весыже- «Ясная Поляна» комплексын 26-шо позицийыштыже верланыше пӧрт озаже- влакым вуча. Тудо Медведево посёлкысо Средин уремыште верланен. Тудо ныл подъездан, 10 пачашан, панелян пӧрт. Тудат посна ырыкталтеш. «Ясный Поляныште» сдатлыме тиде кокымшо пӧрт, икымшыжым ноябрьыште ыштен шуктымо ыле.