Пӧръеҥ 18 ий патроным арален, ынде мутым куча
Йошкар-Олаште илыше 37 ияш пӧръеҥым закондымын патроным аралымыжлан ныл ийлан эрык деч посна коден кертыт. Тудым 2019-ше ийын ноябрьыште кучымо. Полиций пашаеҥ- влак тудын пачерыштыже картон атыште 25 патроным муыныт. Тергымеке рашемын: нуно боевой улыт. Пален налме: 2002-шо ийыште пӧръеҥлан тирыште тренировкышто патроным пуэныт. Но нуным тудо кучылт пытарен огыл, мӧҥгеш пӧртылтыде, шкаланже налын. Уголовный пашам судыш ончаш колтымо. Тудым ныл ий марте эрык деч посна коден кертыт. Полиций пашаеҥ- влак ушештарат: регистрироватлыдыме сар-куралым, патроным, пудешталт кертше веществам шке кумылын сдатлен кертыт. Тидлан нунылан оксам тӱлат. Шке дене аралаш кодымылан уголовно мутым кучаш шогалтен кертыт.