«ОНФ-ын Молодёжкыжо» тӱшка транспортым терга
Марий Эл тӱшка транспортын пашажым Россий кӱкшытыштӧ тергымаште участвоватла. Респуликысе «ОНФ-ын Молодёжкыжо» командын еҥже- влак тиде акцийыш ушненыт. Общественник- влак идалык тӱҥалтыш гычак тӱшка транспортышто рейд- влакым эртарат. Тӱҥ задачыже- лӱдыкшыдымылыкын могайрак улмыжым, транспортын ситымыже да сай йӧнжӧ улмо, водитель ден конкуктор- влакын маршрутышто правилым да нормым шуктымыштым рашедымаш. Икымше рейд- влак Йошкар- Олаште эртеныт. «ОНФ Молодёжкын» еҥже- влак транспорт чарныме верлаште калык деч тӱшка транспорт шотышто йодыштмашым эртареныт. Еҥ- влак транспортын тоштеммыжлан, интервал кужу улмылан, южо вере остановкын тораште да йӧндымӧ улмыжлан вуйым шийыныт. Ола тӱр гыч 21 шагат деч вара нигуш каяш ок лий манын ойленыт. Водитель- влак маршрут гыч ондак каят, сандене таксим ӱжыкташ верештеш маныныт. Рейдышке кумылан еҥ- влакат ушнен кертыт. Тидлан «ОНФ Молодёжкын» сайтыштыже йодмашым кодаш кӱлеш.