Президентын Посланийжым каҥашат

Марий Элысе мер пашаеҥ- влак исполнительный кучем дене пырля Россий Президентын Посланийжым каҥашеныт. Политолог- влакын клубыштын ямдылыме «Йыргешке ӱстел» йыр мутланымаште Владимир Путинын Федерал Собранийлан Посланийыштыже икшыван еш- влаклан полышым пуымо темым моткоч шке жапыштыже нӧлталмым палемденыт. «Политолг- влакын Российысе обществыштын» регионысо пӧлкажым вуйлатыше Ольга Орлова палемден: кызыт мемнан йоча шочмаш дене яра вер лийшаш. Молан манаш гын, ешым 90-шо ийлаште шочшо шагал чотан самырык тукым чумыра. Калык чот шагалеммым чараш манын, самырык ава- влак 3-4 йочам ыштышаш улыт. Нуныжат вара тунарак икшывым ыштат гын веле сӱрет саемеш. Йоча шочмеке, ешыште ик еҥ гына пашам ышта. Тидыже материальный нелылыкым луктеш. Сандене президентын темлыме мера- влак лач гына лийыт. Нуно йочалан кужу жап полшаш тӱналыт. Тиде- икымше йочалан ава капитал, кокымшылан, 3-4 ияш йоча- влаклан пособий, тӱналтыш класслаште тунемше- влакым шокшо кочкыш дене пукшымаш да молат.