Ава капитал гыч эше утларак еш тылзе еда оксам налын кертеш
Ава капитал гыч эше утларак еш тылзе еда оксам налын кертеш. Кодшо ийын ик еҥлан шотлымаште илен лекташ ситыше окса деч иктат пеле гана шукырак парышан еш- влаклан ава капитал гыч тылзе еда оксам налаш чарыме ыле гын, тений тудым уэш налын кертыт. Тений икымше январь гыч законыш тӧрлымаш- влак пурталтыныт. Тыге утларак еш тиде оксам тылзе еда налын кертеш. Вашталтыш почеш, ешын парышыже ик еҥлан шотлымаште илен лекташ ситыше окса деч кок пачаш кугурак лийшаш. Адакшым тиде оксам кокымшо йочан кум ийяш лиймешкыже пуат. Тымарте ик ият пелаш лиймешке гына тӱлат ыле. 2019-ше ийыште йочан ик ият пелыш шумекыже тиде правам йомдарыше- влакат тиде оксам умбакыже налын кертыт. Тидлан уэш йодмашым возыман. Тиддеч посна тӱлымӧ оксан кугытшат вашталтын. Ынде тудо лу тӱжемат 66 теҥге лийын.