Марий Элыште «Шӧртньӧ шайба» таҥасымаш мучашлалтын

Марий Элыште «Шӧртньӧ шайба» таҥасымаш мучашлалтын. Самырык хоккеист- влакын Анатолий Тарасов лӱмеш «Шӧртньӧ шайба» Россий кӱкшытан таҥасымашын кокымшо йыжыҥыштыже сеҥыше да призёр- влакын лӱмыштым увертарыме. 10-11 ияш рвезе- влакын командышт коклаште ончыко Волжскысо «Ариада», Йошкар-Оласе «Ястребы», Марий Турекысе «Восток» лектыныт. 12-13 ияш- влак коклаште Волжскысо «Ариада», Медведево районысо «Спартанец», Марий Турекысе «Восток» сеҥеныт. 14-15 ияш рвезе- влак коклаште Волжск гыч «Илеть», Мочалище гыч «Юшут» да  Медведевысе «Звезда» икымше кум верым сеҥен налыныт.