Москосо «Шӧр да шыл индустрий 2020» оборудований ден технологийым ончыктышо Тӱнямбал выставке почылтын

Теҥгече Москосо «Крокус Экспо» тӱнямбал выставке рӱдерыште «Шӧр да шыл индустрий 2020» оборудований ден технологийым ончыктышо 18-ше Тӱнямбал выставке почылтын. Тиде- вӱдышӧ бизнес-мероприятий. Тушто шӧрым тӱҥалтыш гычак обрабатыватлыме да ямде продукцийым упаковатлыме оборудований ден технологий ончыкталтеш. Ончерыште шӧр сатум лукшо Российысе да Тӱнямбалсе 200 утла предприятий участвоватла. Нунын коклаште Марий Эл гыч «Шернур сырзавод» ден «Семёновский» Племзавод улыт. Ончерын деловой программыже производствым вуйлатыше да качество шотышто специалист гыч тӱҥалын инженер да маркетолог- влак марте специалист- влаклан пӧлеклалтеш. Нуно шӧр сатум экспортыш колтымашым вияҥдыме, у технологий, качествым эскерымаш, маркировка, шояк сату дене кучедалме йодыш- влакым 21-ше февраль марте каҥашат.