Шернур гыч самырык патыр- влак Ижевск олаште медаль- влакым сеҥен налыныт

Шернур гыч патыр- влак Ижевск олаште медаль- влакым сеҥен налыныт. Удмуртийын рӱдӧ олаштыже спорт кучедалмаш дене самырык- влакын Россий кӱкшытан таҥасымашышт эртен. Тудо 1993-шо ийыште таджик-афган чекыште вуйым пыштыше пограничник, Российйын Геройжо Сергей Бориным шарнымашлан пӧлеклалтын. Таҥасымашке Шернур район гыч шым рвезе миен. Нунын кокла гыч кумытшылан пьедесталыш кӱзаш пиал шыргыжалын. 65 килограмм марте нелытан- влак коклаште кокымшо верым Максим Миронов сеҥен налын. А Алексей Мамаев (30 килограмм) да Илья Миронов (27 килограмм) кумшо верыш лектыныт.