Школышто тунемше- влак коклаште автомотоспорт дене республикын 12-шо чемпионатше тӱҥалын

Марий Элыштына школышто тунемше- влак коклаште автомотоспорт дене республикын 12-шо чемпионатше тӱҥалын. 16-шо февраль гыч идалык мучаш марте чемпионат кышкарыште технический спортын 9 видше дене таҥасымаш- влак эртаралтыт. Эн ончыч Элым аралышын кечыже лӱмеш картинг дене ӱчашымаш лийын. Тудо патриотизм шӱлышеш шуарыме месячник да 6-шо ротын подвигшым шарнымаш кышкарыште эртаралтын. Таҥасымашке республикысе школлан командышт, спорт да техник клуб- влак ушненыт. Чемпионатым туныктыш министерстве, йоча да самырык- влакын техник усталык рӱдерышт да ДОСААФ-ын регионысо пӧлкаже эртарат.