Республикым вуйлатыше Россий правительстве председательын алмаштышыжын эртарыме селектор совещанийыште участвоватлен
Республикым вуйлатыше Александр Евстифеев Россий правительстве председательын алмаштышыже Марат Хуснуллинын эртарыме Российысе селектор совещанийыште участвоватлен. Каҥашыме йодыш коклаште- «Лӱдыкшыдымӧ да сай качестван автомобиль корно- влак», «2024-ше ий марте магистраль инфраструктурым уэмдыме да кумдаҥдыме комплексный планын транспорт ужашыже», «Илыме вер да оласе кумдык» да тушко пурышо федерал проект- влакым шыҥдарымаш лийын. Марат Хуснуллинын мутшо почеш, Президентын шыныдыме задаче- влак радамле, чатка да кугу пашам йодыт. Сандене погынымаш арня еда эртаралташ тӱналеш. Марий Элыште калыкле проект- влакым шындарыме паша эн ончылно шога. Кодшо ийын 117 меҥге республикысе корным, 18 меҥге Йошкар-Ола агломерацийын пурышо корным олмыктымо. «Икымше медико-санитар полышым пуымо системым вияҥдымаш» регионысо проект кышкарыште куснылшо медицина комплекс- влакым налме, Оршанке районысо Марково ялыште фельдшер-акушер пунктым чоҥен шуктымо. Вич йоча садым чоҥымо да кызыт эше нылыт нӧлталтеш, Йошкар-Олаште да Волжск олаште у школ- влакым ыштат.