Йошкар-Олаш археолог- влак погыненыт
Таче Валериан Васильев лӱмеш йылмым, сылнымутым да историйым научно шымлыше марий институтышто «Марий кундемым археологий велым шымлымашын лектышыже да пӱсын шогышо йодыш- влак» регионысо шанче конференций эрта. Тудо археолог, историй науко доктор Валерий Никитинын шочмыжлан 80 ий теммылан пӧлеклалтын. Конференцийыште Марий кундемым да воктелсе регион- влакым археологий велым акрет жапше гыч тӱҥалын 19-ше курым марте шымлымашым каҥашат. Конференцийыш Самара, Озаҥ, Кострома, Чебоксар да Йошкар- Ола гыч археолог- влак погыненыт.
