Тунемме да тренироватлалтме «Корта» база кундемыште биатлон дене Марий Элын первенствыже эртен
Кодшо рушарнян тунемме да тренироватлалтме «Корта» база кундемыште биатлон дене Марий Элын первенствыже эртен. Самырык спортсмен- влак «Луман снайпер» пневматик винтовко гыч лӱйкаленыт. Регламент почеш нуно спорт винтовка дене кийышыла да шогышыла лӱйкалышаш улыт ыле. Таҥасымаш почеш ӱдыр-рвезе- влак коклаште сеҥыше да призёр- влакын лӱмышт пале лийын. 2009-ше ийыште шочшо да изирак- влак кокла гыч Евгения Аврелькина ден Кирилл Романов ойыртемалтыныт. А 14-15 ияш- влак коклаште эн сай лектышым Полина Смоленкова ден Антон Яковлев ончыктеныт. 12-13 ияш- влак коклаште Полина Петрова ден Макар Смирнов ончылно лийыныт.