20 ияш рвезым 20 ийлан эрык деч посна коден кертыт
Полиций пашаеҥ- влак Йошкар-Ола гыч 20 ияш рвезын 300 грамм наркотикшым поген налыныт. Оперативный уверым налмеке, наркотикым тергыше виктемын пашаеҥже- влак Йошкар- Оласе Анников уремысе пӧрт подъездыште 20 ияш рвезым кученыт. Тергымеке, тудын икмыняр вӱдылка порошокшым, упаковко материалым да фасоватлаш йӧнештарымашым поген налыныт. Экспертизе рашемден: вӱдылкалаште 320 грамм синтетикан наркотик улмаш. Тудо шкеак пакетлашке оптен да закладкым ыштылын, вара интернет гоч уверым пуэден. Ынде тудым 20 ий марте эрык деч посна коден кертыт.
