Курчак театр Шекспирым ончаш ӱжеш
27-ше 28-ше февральыште Республикысе курчак театр кугыеҥ- влаклан у спектакльым ончыкта- Уильям Шекспирын «Латкокымшо йӱд» комедийжым. Йошкар-Оласе калыклан йӧратымаш нерген костюмированный, ойыртемалтше курчак да декорациян кугу постановко темлалтеш. Спектакльын режиссёржо Санкт-Петербург гыч Александр Стависский, сӱретче- постановщикше, курчакым ыштыше сӱретчыже тыгак Санкт-Петербург гыч улыт, композиторжо Григорий Архипов, хореографше Марина Рыбак.