Кокшайск кугорнышто аварий лийын, ик водительже колен

Таче эрдене 8 шагатат 30 минут гутлаште, Кокшайск кугорнышто ола деч иктаж 10 меҥге наре эртымеке, аварий лийын.   Легковой машина ден грузовик ваш тӱкненыт. Фольксваген Поло машинан водительже ӱмыр лугыч лийын. МАЗ грузовик кюветыш волен каен да кумыкталтын, а легковой машина тӱвыт лунчырген. Тушто автоинспектор да следственно-оперативный группо пашам ыштен.