Козьмодемьянскыште «А ну-ка, рвезе- влак!» военно-спорт модмаш лийын
Козьмодемьянск оласе «Копир» спортзалыште поро йӱлаш савырныше «А ну-ка, рвезе- влак!» военно-спорт модмаш лийын. Тудо Элым аралышын кечыже вашеш оборонно-массовый паша месячник кышкарыште эртен. Тений модмашышке оласе икымше, кумшо школын, лицейын, «Дарование» интернат- школын, индустрий да предпринимательстве колледжын да «Самырык десантник» кулубын тунемшышт ушненыт. Мероприятийым «Юнармийын» оласе пӧлкаже, ола администарций, «Копир» заводын вуйлатышышт ямдыленыт. Тыгак верласе сарыште лийше ветеран да «Десант братство» организацийын еҥышт чолгалыкым ончыктеныт. Команде- влак 9 конкурс гоч эртеныт. Иктешлымеке, рашемын: икымше верым икымше школын командыже сеҥен налын, кокымшо верыште – лицей, кумшо вер «Дарование» школлан логалын.