Школышто тунемше- влакым кампеткым оптымо лудо-атым ышташ туныктеныт
«Интеллектуал» тӱвыра –увер рӱдер «Кувавайын шондыкшо» тӱрлӧ тукымын усталык вашлиймашыже» социал проектшым умбакыже шуя. Кодшо кечылаште Йошкар-Оласе 16-шо школышто тунемше- влаклан кампеткым оптымо лудо-атым ыштыме мастер- классым эртареныт. Тудо «Керамике тоштер» арт-студийыште йӧратымаш кечын лийын. Сандене шке кид дене ыштыме паша- влакым уло кумылын шоҥгыеҥ- влак илыме пӧртласе коча- ден кова- влаклан пӧлекленыт. А лудыжым молан ойырен налме? Марий мифлаште Марий Шочынаван лудо семын толмыжым ончыктат. Тудын кавасе пыжашыже Плеяда созвездийыште верланен. Ныл пӱртӱс вийын- Вӱдын, Южын, Мландын да Тулын шочмыжо лудылан кок Узо лудым конден: Юм ден Йыным (Кереметым)- сай ден осалын пырля коштмыштым ончыктышым. Тыге лудо образ марий мифологийыште ила.