Кресаньык озанлыкым вияҥдаш йӧн уло
Республикысе шым самырык фермер озанлык грант полышым налын. Тиде оксам могай сомыллан кучылташ тӱҥалме нерген Ял озанлык министерствыште умылареныт. Фермер- влак пулдырчо игым, тӱкан шолдыра вольыкым, ял озанлык техникым налаш шонат. Тӱҥалше 11 фермерлан тений пуымо оксан тичмаш кугытшо 28 миллионат 500 тӱжем теҥгеш шуын. Тыгак калыкле проект кышкарыште республикыште «Агростартап» грант пуалтеш. Тудо кресаньык озанлыкым ышташ да вияҥдаш виктаралтын. Проектым шыҥдараш 20 миллионат 300 тӱжем теҥге оксам палемдыме. Шым озанлык грант оксам налын шуктен. Тений чылаже 11 фермер озанлыклан тыгай полыш пуалтеш. Нуно Куженер, Марий Турек, Курык марий, У Торъял, Оршанке, Медведево, Шернур да Юрино районла гыч улыт.