Россий МВД министрын алмаштышыже Марий Элысе МВД министр дене палымым ыштен

Россий Президентын Указше дене Марий Элысе МВД министрлан полицийын генерал-майоржо Сергей Волчковым шогалтыме нерген увертаренна ыле. Россий МВД министрын алмаштышыже-статс-секретарь Игорь Зубов республикысе эл кӧрго паша министерствын личный осставшым у вуйлатыше дене палымым ыштен. Мероприятийыште Правительстве председательын икымше алмаштышыже Михаил Васютин, тӱҥ федерал инспектор Пётр Журавлёв, Кугыжаныш Погын вуйлатышын алмаштышыже Анатолий Иванов да молат лийыныт. Министрын алмаштышыже Игорь Зубов Сергей Александрович нерген опытан да грамотный вуйлатыше манын ойлен. Марий полицийын коллективше тудын вуйлатымыж почеш шындыме задачым сайын шукташ тӱҥалеш манын ӱшаным каласен. МВД министр, полицийын генерал-майоржо Сергей Волчков Россий МВД-н вуйлатышыжлан да республикысе правительствылан тыгай ӱшаным ыштымылан тауштен ойлен.