Рушарнян чодыра озанлык пашаеҥ- влакын пайремышт

Шушаш каныш кечылаште, рушарнян, чодыра да чодырам перерабатыватлыше промышленностьын пашаеҥже- влак профессионал пайремыштым палемдат. Нуным пайремышт дене республикым вуйлатыше Александр Евстифеев саламла. Марий Эл эре чодыран моторлыкшо да поянлыкше дене чаплана: республикын пел кумдыкшым кожла айла. Тудлан кӧра экологий арулык да калыкын тазалыкше кучалтеш. Мемнан цельна- тиде поянлыкым ончыкылык тукымлан арален кодымаш. Тыгай задачым Президент Владимир Путин шында. Кызыт федерал бюджет гыч экологий йодышым виктарен колташ кугу окса ойыралтеш. «Экологий» калыкле проект кышкарыште, чодыра пожарым йӧртымӧ технике парк у автомобиль, спецтехнике, инвентарь дене пойдаралтын. Чодырам эскерыме техникым налме. Кызыт республикысе чодыра озанлыкыште 500 наре еҥ тырша, 200 утла арендатор уло. Нуно чодыра пожарым шижтарыме, шукш-копшаҥге ваштареш кучедалме, чодырам арален кодымо да пушеҥгым шындыме, чодырам пойдарыме пашам шуктат. Тиде кӱлешан сомыл. Тудым чодыра озанлык пашаеҥ- влак сайын да моштен ыштат. Пуртӱс поянлыкым арален кодымаште да шукемдымаште тыршыше- влаклан уло кумылын тауштем, поснак кугу тау ветеран- влаклан. Чылалан тазалыкым, сеҥымаш- влакым тыланем,- ойлалтеш республикым вуйлатышын саламлымашыштыже.