Сад-пакчазе- влакын кечышт лиеш

Шушаш рушарнян Йошкар-Оласе сеҥымашын 30-шо идалыкше лӱмеш тӱвыра полатыште Пакчазе да садовод- влакын пайрем кечышт лиеш. Тудо ынде поро йӱлаш савырнен да калыкын йӧратыме мероприятийже лийын. Тушто шке ончен-куштымо саскам, емыжым, пеледышым ончыкташ лиеш, выставке ден конкурс- влак эртат. Нунын коклаште «Пакча чучыл», «Эко мода», пӱртӱс материал гыч ыштыме ӱзгар, «Мисс Фазенда» да «Мистер Огород» конкурс- влак лийыт. Усталык коллектив- влакат шке мастарлыкыштым ончыктат, шындышаш кушкылым, пеледышым налаш лиеш. Тушко ушнаш йодмашым 15-ше сентябрь марте налыт.