Руль воктеке йӱшӧ вуя шичше- влакым тергат
Таче кече гыч 15-ше сентябрь марте республике мучко ГИБДД пашаеҥ- влак руль воктеке йӱшӧ вуя шичше- влакым тергаш тӱналыт. УГИБДД-н увертарымыж почеш тенийсе 8 тылзе жапыште йӱшӧ вуя машинам виктарыше да тергалташ тореш лийше- влаклан кӧра 65 ДТП лийын. Тушто 8 еҥ колен да 95 еҥ эмганен. ГИБДД пашаеҥ- влак корнышто шкеныштым умылаш лийдымын кучышо водитель- влак нерген увертараш йодыт. Дежурный частын телефонжо: 68-09-70, шокшо линийын номерже- 68-00-60.
