Олам эрыктыме шыжымсе месячник тӱҥалеш

Йошкар-Ола кундемыште шке жапыштыже арулыкым да порядкым ышташлан шыжымсе месячник тӱҥалеш. Ола мэрын пунчалже почеш, тудо 17-ше сентябрь гыч 16-шо октябрь марте шуйна. Пашам ола администрацийын ола озанлык виктемже вуйлата. Оласе тӱшка субботникын кечыже- влакымат палемдыме. Нуно 27-ше сентябрьыште да 4-ше октябрьыште лийшаш улыт. Виктарыше организаций, вуйлатыше, ТСЖ, ТСН, ЖСК, ТОС- влаклан эрыктышыш кумдыкын планжым ышташ, пушеҥгым шындаш, шарыме ошмам, шӱкшак орам, кукшо лышташым эрыкташ, тошто пушеҥге- влакым пӱчкаш, пӧрт пырдыж- влакым эрыкташ, субботниклан ӱзгарым, мешакым, траснпортым ситараш темлыме. Тыгаяк темлымаш- влакым предприятий дене организаций вуйлатыше- влакланат колтымо. Месячникыш чыла калыкым ушнаш ӱжыт.