Марий целлюлоз-кагаз комбинат 85 ияш лийын

Теҥгече Волжск олаште верланыше кугу предприятий- Марий целлюлоз кагаз комбинат шкенжын 85 ияш лӱмгечыжым палемдыш. Пайрем мероприятий комбинатын тӱвыра пӧртыштыжӧ лийын. Предприятийын лӱмгечыже пӱтынь олан пайремышкыже савырнен. Молан манаш гын, тудо олан илышыштыже пеш кугу верым налын шога. Тудо олан казнажым ик чырык ужашлан пойдара, олаште спорт да тӱвыра оралте- влакым чоҥа да шуко поро пашам ышта. Комбинатын пашаеҥже да ветеранже- влакым Марий Элым вуйлатышын лӱмжӧ дене, министр, главан полномочный представительже Николай Коротков саламлен. Тудо каласен: кӱкшӧ квалификациян пашазе, опытан инженер да уста менеджер- влакын тыршымыштлан кӧра, предприятий технический кагазым лукшо вӱдышӧ предприятий улеш. Продукцийже тӱнямбал стандарт дене келшен толеш да Российыште гына огыл, Европышто, Китайыште, Казахстаныште йодмаш дене пайдалана. Комбинат экологий арулыкым арален кодымаште шуко тырша. Кызыт очистной сооружений- влакым пужен ышта,- палемден саламлымашытыже Александр Евстифеев. Каласыде ок лий, Евстифеев Волжск олалан кугу тӱткышым ойыра. Мучашлан эн ойыртемалтше пашаеҥ- влак награде дене палемдалтыныт.