Марий Эл тений Москошто кудымшо гана ял озанлык ярмингам эртара
Москошто 11-ше гыч 17-ше сентябрь марте Марий Эл ден Чуваш республикын регионысо ял озанлык ярмингашт эрта. Ярмингашке республикыште ыштен лукмо ятыр кочкыш сатум лукмо. Тиде- мӱй да мӱкш сату, кондитер сий, йоҥыштен, шолтен кылмыктыме шыдаҥ да уржа пырче, коштымо емыж, иван-чай да молат. Тений тиде Моско кундемыште эртарыме регионын кудымшо ярмингаже.
