Россий мучко эртарыме фотосӱрет конкурсын выставкыже Йошкар-Олаш толын

Российыште эртарыме «Берега-2018» клубный фотоконкурсын лектышыжым иктешлыме. Конкурсыш 930 автор вич тӱжемат пеле пашам колтен. Тушечын иктешлыше выставкыш 140 фотосӱретым ойырен налме. Финал фотоончер март тылзе гыч Российысе олала мучко коштеш. Сентябрьын кыдалже гыч йошкар-оласе калыкат элысе 80 фотоклуб гыч возкалаш йӧратыше да профессионал- влакын пашаштым ончен кертеш. Паша коклаште Йошкар-Ола гычат фотосӱрет- влак лийыт. Тиде «Феникс» фотоклуб гыч фотосӱретче Виктор Руденкон «Тошто квартал» пашаже. Фотоончер эрла 17 шагатлан Сеҥымашын 30-шо идалыкше лӱмеш тӱвыра полатыште почылтеш.