Александр Евстифеев- Москосо финанс форумышто

Таче кокымшо кече Республикым вуйлатыше Александр Евстифеев нылымше Москосо финанс форумышто пашам ыштыш. Погынымаште Российысе экономикым каҥашыме. Таче дискуссий площадке- влак почылтыныт. Погынышо- влак элын финанс-экономик политикыжын тӱҥ ужашыже-влакым, калыкле проект- влакым шыҥдарыме дене сайын ончыко кайыме у йӧн- влакым каҥашеныт. Кугу тӱткышым калыкле проектым шыҥдарымаште чаракым ыштыше амал да тудым кораҥдыме сомыллан ойырымо. Александр Евстифеев «Российыште экономик реформа- влак» пленарный сессийын пашаштыже лийын. Тушто Российын финанс министрже Антон Силуанов, Сбербанк правленийын председательже Герман Греф, Роснано ушем правленийын председательже Анатолий Чубайс ойленыт. Ушештарена: калыкле проектлам шуктымо йодышым да 2020-шо -2021-ше ийлан проектно-сметный документацийым ямдылыме пашам правительствын заседанийыштыже ойлымо ыле. Тушто палемдыме: икымше сентябрьлан федерал да республикысе бюджет гыч тенийлан палемдыме деч 40 процент утла оксам ойырымо. Тиддеч ончыч каласыме ыле: калыкле проектым сайын шыҥдарымаш- тиде калыкын илышыжым саемдаш президентын палемдыме ик эн тӱҥ задачыже.