Сыктывкарыште марий тӱвыра кече лиеш

12-шо октябрьыште Коми республикын рӱдолаштыже, Сыктывкарыште, марий тӱвыра кече эрта. Кодшо кечылаште тудым ямдылыме да эртарен колтымо шотышто онлайн-совещаний лийын. Тушто тӱвыра министрын алмаштышыже Галина Ширяева, марий тӱвыра рӱдерым вуйлатыше Римма Юрьева, тудын алмаштышыже да пӧлкам вуйлатыше- влак лийыныт. А Коми велым Калык- влакын келшымаш пӧртыштым вуйлатыше Григорий Хатанзейский, калыкле политике министерствын, Келшымаш пӧртын, калыкле книгагудын специалистышт участвоватленыт. Нуно мероприятийын программыжым да организационный йодышыжо- влакым каҥашеныт. Программыште Российын сулло сӱретчыже Иван Ямбердовын ончержым почмаш, коми да марий йылмым электрон кумдыкышто шарен колтымо, руш йылме гыч калыкле йылмыш да мӧҥгешла официально кусарыме йодыш дене йыргешке ӱстел йыр мутланымаш, поэт-писатель- влакын вашлиймашышт, марий тӱр дене мастер-класс, вурегмым сӧрастарымашым да кочкышым ямдылыме шотышто умылтарымаш, виш лекций- влак лийшаш улыт. Марий тӱвыра рӱдерын усталык коллективше- влак концертым ончыктат. Марий тӱвыра кече Коми республикысе Калык- влакын келшымаш пӧртышт ден Марий тӱвыра рӱдер коклаште ыштыме соглашений кышкарыште эрта.