«Ший памаш» уэш мурызо- влакым чумыра

Финн-угор калык- влакын эстрада мурыштым мурышо- влакым «Ший памаш» конкурс ӱжеш. Тушко 16 гыч 55 ияш марте финн-угор калыкын мурыштым мурышо солист  да изирак вокал ансамбль- влак ушнен кертыт. Конкурсант- влак ончылгоч колышт лекташ финн-угор йылме дене возымо кум произведенийым колтышаш улыт. Тиде- кумдан шарлыше муро, у муро да калык муро. Самодеятельный композитор ден поэт- влак, нунын мурыштым мурат гын, ешартыш номинацийыште участвоватлен кертыт. Конкурсыш ушнаш йодмашым, аудиоматериалым, фотографийым да документым, у мурын нотыжым, кусарыман текстшым 30-шо сентябрь марте калык усталык рӱдерыш колтен шуктыман.