Туныктышо-влакат лӱдыкшыдымылыклан тунемыт
Марий Элысе туныктышо- влакым «Лӱдыкшыдымылык школ» икымше слётыш ӱжыт. «Лӱдыкшыдымылык школ» толкын республикыште 1998-ше ий годсек вияҥеш. Тиде жапыште мемнан команде ик гана веле огыл регион- влак кокласе, Россий кӱкшытан таҥасымашлаште сеҥышыш лектын. Слёт опыт дене ваш палдараш, туныктышо- влакын профессионал мастарлыкыштым нӧлташ, тунемше- влакым шкен да тӱшка калыкын лӱдыкшыдымылыкшылан туныкташ манын эртаралтеш. Тушто 17 муниципал образований гыч туныктышо да тунемше- влак участвоватлат. Нуно тӱрлӧ верлаште йомде коштын, икымше полышым пуэн моштышаш, лӱдыкшӧ ситуаций годым шкем кузе кучаш палышаш улыт. Кум кече жапыште нуно илен лекме маршрутышто, пожар эстафетыште, икымше полышым пуымаште, кычал- утарыме пашаште, пӱртӱс лоҥгаште илыме верым келыштарен моштымаште мастарлыкыштым ончыктат. Мастер-класс да йыргешке ӱстел йыр мутланымаш- влак лийыт. Педагог- влакын Республикысе икымше слётышт 20-шо гыч 22-шо сентябрь марте «Пӱнчер» тунемме да тренироватлалтме базыште эрта.