Икымше гана «Икымше полыш» таҥасымаш эртыш
Республикыштына икымше гана «Икымше полыш» таҥасымаш эртыш. Тушто Йошкар-Оласе школла гыч 22 команде моштымашыжым терген. Шке профессионализмжым кум ийгот тӱшкаште 80 утла еҥ ончыктен. Самырык еҥ- влак икымше полышым пуэн, психологий велым полшен моштымо дене таҥасеныт да тидлан молымат туныктеныт. Вучыдымо ситуацийлан келшен толшо шӱлышым ышташ лӱмын ямдылыме еҥ- влак полшеныт. Нуно полышым вучышо, чот эмганыше еҥын рольжым модыныт. Таҥасымаш ончыктен: икымше полышым кажне еҥ пуэн кертеш. Иктешлымашым ыштыме деч вара сеҥыше- влакым саламлыме. 18 ияш деч кугурак- влак коклаште Юлтехын утарыше отрядше сеҥышыш лектын да икымше верым налын. 15-18 ияш- влак коклаште эн ончылно Йошкар-Оласе 24-ше школын командыже улеш.