Ечызе Екатерина Смирнова икымше стартыш Казахстаныште лектын

Марий Эл гыч ечызе Екатерина Смирнова ече дене таҥасымаште Эрвел Европын континенталь кубокшын икымше йыжыҥыштыже икымше стартым Казахстаныште почын. Таҥасымаш теҥгече Щучинск олаште Ече спорт рӱдерыште тӱҥалын. Тиде ола Казахстанын рӱдолаже деч йӱдвекыла 240 меҥге тораште верланен. Екатерина Смирнова ик меҥгат пеле кужытыш спринт дене куржын. Тудо 10-шо верым налын, финалын ик чырык ужашыштыже кумшо лийын да полуфиналыште кудымшо толын. Сеҥышыш Беларусь гыч, кокымшыш Югра гыч, кумшыш Татарстан гыч ӱдыр- влак лектыныт. Пӧръеҥ- влак коклаште икымше Тюмень область, кокымшо- Коми, кумшо- Моско гыч спортсмен- влак лийыныт.