Эл кӧргӧ паша органыште тыршыше- влак шке профессионал пайремыштым палемдышт
Теҥгече эл кӧргӧ паша орган пашаеҥ- влак шке профессионал пайремыштым палемдышт. Тиддеч ончыч Константинов лӱмеш Руш академичсекий драма театрыште пайрем лӱмеш торжественный мероприятий эртыш. Тушто Республикым вуйлатыше Александр Евстифеев участвоватлен. Эл кӧргӧ паша министр Сергей Волчков Российысе эл кӧргӧ паша министр, полицийын генералже Владимир Колокольцевын салмалымашыже дене палдарен. Республикым вуйлатыше Александр Евстифеев погынышо- влакым пайрем дене саламлышыла палемден: полицийын пашаеҥже- влакын кажне кечын шуктымо пашашт деч калыкын лӱдыкшыдымылыкшӧ, нунын законлан ӱшанымышт шога. Глава тидымат каласен: тенийсе индеш тылзыште шӱдӧ тужем еҥлан шотлымаште 845 осал пашам ыштыме. Округ мучко тиде цифр 996-ыш, Россий мучко тӱжемат 36-ыш шуэш. Моло показатель денат сай могырыш вашталтмаш коеш: тазалыклан лӱмын эҥгекым ыштымаш, пачер гыч шолыштмаш, толымаш шагалемын. Сар куралым, пудешталт кертше ӱзгарым кучылтын, йӱшӧ вуя осал пашам ыштымаш иземын, тӱшкан шургымаш, калык да конфессий коклаште умылыдымаш лийын огыл. Тений республикыште кугу мероприятий- влак эртеныт. Тушто порядкым кӱлеш семын эскерыме. Шушаш ийын эшеат шукырак мероприятий лийшаш, калыкле проект- влакым илышыш шыҥдарыман. Александр Евстифеев чылаштым профессионал пайремышт дене саламлен да сай сеҥымаш- влакым тыланен. Икмыняр еҥым Чап кагаз да тауштымаш дене палемдыме.